ಉಸಿರುಗಟ್ಟಿ ನೆಲಕ್ಕುರುಳುವ ಮುನ್ನ..

ಹಚ್ಚಿಕೊಳ್ಳೋದು ಹುಚ್ಚಿಡಿಸತ್ತದೆ. ಹುಚ್ಚು ಎದೆಯೊಡಲಲ್ಲಿ ಕಿಚ್ಚೆಬ್ಬಿಸಿ, ಕಾಡ್ಗಿಚ್ಚಾಗಿ ಹಬ್ಬಿ, ಸುಟ್ಟು ಕಪ್ಪು ಬೂದಿಯನ್ನಾಗಿ ಮಾಡಿದಾಗಲೆ ಗೊತ್ತಾಗೋದು, ಅದು ಹುಚ್ಚಾಟಕ್ಕೆ ಹಚ್ಚಿಸಿಕೊಂಡ ಪ್ರೀತಿ ಕಿಚ್ಚೆಂದು..

ಹಾಗೆ ಸುಮ್ಮನೆ ಬದುಕಿ ಬಿಡಬೇಕು, ಯಾರ ಕಣ್ಣ  ರೆಪ್ಪೆಯ ಅಂಚಿನ ಮಿಂಚಿಗಾಗಿ ಕಾಯದೆ. ಮಿಡಿತಗಳೆಲ್ಲ ಸುಳ್ಳಾಗಿ ಕಾಡಿ ಕೊಲ್ಲುವ ಮುನ್ನ., ಸುತ್ತ ಗಟ್ಟಿ ಕೋಟೆಯೊಂದನ್ನ ಕಟ್ಟುತ್ತಾ ಅದರಲ್ಲೇ ಮಣ್ಣಾಗಿ ಬಿಡಬೇಕು. ಮನದಾಸೆ ಆಸರೆಯ ಅರುಸುವ ಮುನ್ನ., ಪ್ರೀತಿಯ ಬೆನ್ನು ನೋಡುವ ಕ್ಷಣದ ಮುನ್ನ., ಉಸಿರುಗಟ್ಟಿ ನೆಲಕ್ಕುರುಳುವ ಮುನ್ನ., ದೂರ ಸಮುದ್ರದ ಮರಳ ತೀರದಲ್ಲಿ ಒಬ್ಬೊಂಟಿಯಾಗಿ ಸೂರ್ಯನನ್ನ ಮುಳುಗಿಸಬೇಕು.

ಯಾರದೊ ಮೇಲೆ ಕೋಪ., ಹಿಡಿತಕ್ಕೆ ಸಿಗದೆ ಜಾರಿ ಹೋಗುವ ಕಣ್ಣ ಹನಿಗಳು., ತಪ್ಪು ಸರಿ ಹುಡುಕಾಟಗಳು., ಗತಿಸದಕ್ಕೆ ನಿರಾಸೆಗಳು, ಕೈ ಜಾರಿದಕ್ಕೆ ಪಶ್ಚಾತಾಪ., ಕಳೆದುಕೊಳ್ಳುವ ಆತಂಕಗಳು., ಅರ್ಧ-ಅರ್ಧಕ್ಕೆ ಸೀಳಿ ಹಾಕುವ ಆಲೋಚನೆಗಳು., ಬೇಡ ! ಹಚ್ಚಿಕೊಳ್ಳೋದು ಬೇಡ., ಇದ್ದು ಬಿಡಬೇಕು ಕಡಲ ತೀರದ ಒಂಟಿ ಬಂಡೆಯಂತೆ..

ಮನದ ಗರ್ಭವ ಬಗೆದು., ಪ್ರೀತಿಯ ಬಿತ್ತಿ., ಸಂಬಂಧ ಸಿಟಿಲೊಡೆದು ನಗೆಯಾಗುವ ಮುನ್ನ., ಗರ್ಭಪಾತಕ್ಕೆ ಅಣಿಯಾಗುವ ಪಾಪದ ಬದಲಾಗಿ., ಮನವ ಬರುಡಾಗಿಸಿಕೊಳ್ಳಬೇಕು. ಜೀವಿಸಿ ಬಿಡಬೇಕು ನೋವ ಮರೆತ ಅನಾಥರಂತೆ..

ಬಯಸಿದ ಕೈ ಕಿರುಬೆರಳು., ಮತ್ಯಾರದೋ ಅಂಗಯ್ಯಲ್ಲಿ ನಲಿಯುವದ ನೋಡುವ ಮುನ್ನ, ಎದೆ ಬಾಗಿಲ ಮುಚ್ಚಿ ಕುರುಡಾಗಬೇಕು.. ಕೇಳಿ ಇಲ್ಲವೆನ್ನಿಸುಕೊಳ್ಳುವದಕ್ಕಿಂತ., ಕೇಳದೆ ಉಳಿದು ಬಿಡಬೇಕು.. ಬೇಡಿದ ವರ, ಭಿಕ್ಷೆ ಅನಿಸಿಕೊಳ್ಳದಂತೆ..

ಅದೇ ಹಾದಿ., ಸುಮ್ಮನೆ ಸಾಗಿ ಸವೆಸಿಬಿಡಬೇಕು., ಜೊತೆ ಸಿಕ್ಕ ನೆನಪುಗಳೆನೆಲ್ಲಾ ಒಂದೊಂದೇ ಪುಟ್ಟ ಪುಟ್ಟ ಪೆಟ್ಟಿಗೆಯೊಳಗೆ ಚಿಲಕವ ಹಾಕಿ ಅದೆಲ್ಲೊ ಮನದಾಳದಲ್ಲಿ ಮುಚ್ಚಿಟ್ಟು ಬಿಡಬೇಕು.. ಒಳಗಿನ ನೆನಪು ಬಿಕ್ಕಳಿಸಿದಾಗಲೆಲ್ಲ ನೀರುಣಿಸಿ ಹಾಗೆ ಕಣ್ಣು ಮಿಟುಕಿಸಿ ಮತ್ತೆ ಬಚ್ಚಿಡಬೇಕು.. ಉಸಿರಾಡಿಯು., ಜೀವಿಸದೆ., ಕಣ್ ಮುಚ್ಚಿಯೂ., ಮರೆಯದೆ., ಕೊನೆಗೆ ನಿನ್ನ ಪ್ರೀತಿಸಿಯು., ಪ್ರೀತಿಸದೆ ಹಾಗೆ ಸುಮ್ಮನೆ ಬದುಕಿ ಬಿಡಬೇಕು.. 

ಮೌನ..

ಇದೊಂದು ರಾತ್ರಿ ನಾ ಹೇಗೆ ಕಳೆಯಲಿ., ಒಂಟಿತನ ಯಾವತ್ತೂ ನನ್ನ ಹೀಗೆ ಕಾಡಿದ್ದಿಲ್ಲ., ಆದರೆ ಈ ಮನದ ಮೌನ ಯಾಕೆ ನನ್ನನ್ನು ಇವತ್ತು ಸುಡುತ್ತಿರುವುದು ? ರಾತ್ರಿ ಕಳೆದು ಬೆಳಕು ಚೆಲ್ಲಿದಾಗ ಹೊಸದೇನಾದರೂ ಆಗುತ್ತಾ ನನ್ನ ಜೀವನದ ಜಾತ್ರೆಲಿ ? ಸಾವಿರ ಪ್ರಶ್ನೆಗಳು ಹೀಗೆ ಒಮ್ಮೆಲೇ ಹೆಗಲ ಮೇಲೇರಿ ತುಳಿಯುವುದಕ್ಕೆ ಮೊದಲಿಟ್ಟಿವೆ. If you keep rephrasing the question, it gradually becomes the answer !

ತುಂಬಾ ಪ್ರೀತಿಸಿದೆ., ಮಾತು ಕೊಟ್ಟೆ., ನುಡಿದಂತೆ ನಡೆದೆ., ಕೋಟಿ ಕೋಟಿ ಕನಸ ಹೊಸೆದೆ, ತುಂಬಾ ಅಲೆದೆ, ಹಸಿದೆ., ಕರಗಿ ಧಾರೆಯಾದೆ., ಸಂಭ್ರಮಿಸಿದೆ, ಅತ್ತೆ., ಗೊಗೆರೆದೆ., ಬಡಿದಾಡಿದೆ., ಪ್ರೀತಿಗೋಸ್ಕರವೇ ಉಸಿರಾಡಿದೆ., ಕೊನೆಗೆ ಅದೆಷ್ಟು ಸುಲಭವಾಗಿ ಬಿಟ್ಟು ಕೊಟ್ಟೆ.. Six years down the road, all the fights, quarrels, madness, pain will be nothing but a joke..

ಒಂದು ಸಲ ಕಣ್ಣೋರಿಸಿಕೊಂಡು ಹಿಂತಿರುಗಿ ನೋಡಿದರೆ, ನಾ ಆ ಆರು ಸುಧೀರ್ಘ ವರ್ಷಗಳು ಸದ್ದಿಲ್ಲದೆ ಕಡಲಿಗೆ ಕಾಲುವೆ ತೊಡಿದ್ದೆ., ಒಲವು ಹರಿಯಲಿ., ಕಡಲ ಸೇರಲಿ ಎಂದು.. ಅಲೆಯ ಮೊರತಕ್ಕೆ ನನ್ನ ಉಸಿರ ಧ್ವನಿ ಕಡಲಿಗೆ ಕೇಳಿಸಲೆ ಇಲ್ಲವೇನೋ.. ಆ ಪ್ರೀತಿ ನೀರೊಳಗೆ ವೀಣೆ ಮಿಡಿದಂತೆ..

ನಾನಗೆ ನಾನು ಯಾವತ್ತಿಗೂ ಬಯಸಲಿಲ್ಲ., ತಾನಗೆ ಒಲಿದು ಬಂದಳು., ನನ್ನ ಹೃದಯದ ಬೇಲಿಗೆ ಬಳ್ಳಿಯಾಗಿ., ಹೂವಾಗಿ., ಚೆಂದಗೆ ಅರಳಿ., ಘಮ್ ಎನ್ನುತ್ತ., ಹಬ್ಬಿ ನಿಂತಳು., ಆವರಿಸಿದಳು.. ಅಕ್ಕರೆಯ ಸವಿ ಉಣಬಡಿಸಿದಳು, ಚೇಷ್ಟೆಯ ಆಟ ಕಲಿಸಿದಳು., ಪ್ರೀತಿಯ ಮೊಗೆದು ಮೊಗೆದು ಕೊಟ್ಟಳು, ನನ್ನಾಣೆಗೂ ನಾ ಬಯಸಿರಲಿಲ್ಲ., ಕೇಳಿರಲಿಲ್ಲ.. but “The biggest coward is a man who awakens a woman's love with no intention of loving her..” ನನ್ನ ಹುಡುಗಾಟಕ್ಕೆ ಅವಳ ಮನಸ್ಸು ನನ್ನೆಡೆಗೆ ಒಲವ ಬೆಳೆಸಿಕೊಂಡಿತು., ಮೆಚ್ಚಿಕೊಂಡಳು, ಹಚ್ಚಿಕೊಂಡಳು, ನೆಚ್ಚಿ, ನಿಂತು ನೆರಳಾದಳು., ಪ್ರೀತಿಸಿದಳು, ಕಣ್ಣಂಚಲ್ಲಿ ಚುಂಬಿಸಿದಳು, ಕೆನ್ನೆ ತಾಕಿ ಮುದ್ದಿಸಿದಳು., ನನ್ನ ಬೆರಳ ಹಿಡಿದು ತನ್ನ ಕೊರಳ ಹಿಂದೆ ಬೆನ್ನ ಮೇಲೆ ಚಿತ್ತಾರ ಮೂಡಿಸಿಕೊಂಡಳು., ಆದರೆ ನಾ ಎಂದಿಗೂ ಅವಳು ನನ್ನವಳು ಎಂದು ಆಶಿಸಲಿಲ್ಲ., because i always believed that, Love is self-less. If you love someone because they love you back, you are returning a favour not truly loving them.

ಮೋಡ ಮಳೆಯಾಗಿ., ಹನಿಯಾಗಿ ಧರೆಗೆ ಮುತ್ತಿಕ್ಕುವಾಗ., ಆಗಸದ ಕೆಳಗೆ ನಿಂತವ ಅದೆಷ್ಟು ಹನಿಗಳಿಂದ ತಪ್ಪಿಸಿಕೊಳ್ಳಬಲ್ಲ.. ?? ನೆನೆಯಲೇ ಬೇಕು., ನೆನೆದು ತೊಪ್ಪೆಯಾಗಲೇ ಬೇಕು., ಹಿಡಿ ಹಿಡಿಯಾಗಿ ಹನಿಯ ಪ್ರೀತಿಗೆ ಕರಗಲೆ ಬೇಕು.. Great love can make a weak man strong, true love can make brave man fall to his knees.. ಮೊಣಕಾಲುರಿ ನಾ ಅವಳ ಉಸಿರಿನ ಬಂಧಕ್ಕೆ ಅಣಿಯಾದಾಗಲೆ, ನನ್ನಡಿಯ ನೆಲ ಬಿರುಕು ಬಿಟ್ಟಿತ್ತು, ಮೊಳಕೆ ಮೂಡಿಸಿದ ಮೋಡ ಮರೆಯಾಯಿತು.. ಒಂದೇ ಒಂದು ಕಾರಣವೂ ಕೊಡದೆ ಅದೇಕೆ ಸರಿದು ಹೋದಳು., ಭೂಮಿ ಬಯಸದೆ ಮೋಡ ತಾ ಬಂದು ಪ್ರೀತಿ ಬನವ ಬೆಳೆದು., ಬಾಳು ಕಟ್ಟುವ ಮುನ್ನವೇ ಅದೇ ಬನಕ್ಕೆ ಕಾಡ್ಗಿಚ್ಚು ಹಚ್ಚಿದ್ದೇಕೆ ? ಈ ಪ್ರಶ್ನೆಗಳನ್ನು ನಾ ಸಾವಿರ ಬಾರಿ ಕೇಳಿಕೊಂಡರು ಅವಳ ಅಂಗೈ ಸ್ಪರ್ಶದ ನೆನಪಿನ ಹೊರತು ಉತ್ತರ ಸಿಗುತ್ತಿಲ್ಲ.. ನಾ ಕೇಳಬೇಕಿತ್ತೆ ಅವಳೊಗುವ ಮುನ್ನ “ಹೇಳಿ ಹೋಗು ಕಾರಣ” ಅಂತ ? ಗೊತ್ತಿಲ್ಲ. If you leave someone at least tell them why, because what's more painful than being abandoned is knowing you're not worth an explanation..

ಇನ್ನೂ ಈ ಹೊತ್ತು ಕಳೆಯಲೇ ಬೇಕು., ಅವಳಿಲ್ಲ., ನೆನಪುಗಳಿವೆ., ತೀರದ ಮೌನಕೆ ಬಣ್ಣವಚ್ಚಿ ಕಾಯುವೆ ಅವಳಿಗಾಗಿ., ಮತ್ತೆ ಬರುವಳು ಅನ್ನುವ ಹುಚ್ಚು ಕೌತುಕದಿಂದಲ್ಲ., ಅವಳು ಕೊಟ್ಟ ಪ್ರೀತಿ ಮಾಸದಿರಲಿ ಎಂದು.. ಸವೆಯಲಿ ಸಮಯ ಕಾಲದ ಕತ್ತಲಲ್ಲಿ., ನನ್ನುಸಿರ ಕಾದಿಡುವೆ ಪ್ರೀತಿ ಬೆಳಕಾಗಿ ಸಣ್ಣಗೆ ದೀಪ ಉರಿದಂತೆ.. Some have loved and lost. others have never stopped loving the one they lost..

ಜಗತ್ತಿನಿಂದ ಅಳಿಸಿ ಹೋಗುವ ಮುನ್ನ..

ಹಠ ಮರೆತು ಧಣಿದು ಹಸಿವಿನಿಂದ ಬಂದ ಮಗುವಿಗೆ ಪ್ರೀತಿಯ ಕೈ ತುತ್ತು ಬೇಕಿತ್ತು., ತಾಯಿ ಶಿಕ್ಷಿಸುವ ತಯಾರಿಯಲ್ಲಿ ಕಂದನ ಮೊಣಕಾಲು ಗಾಯವ ಮರೆನೆಂತಂತೆ., ಮೂಕ ಮಗುವಿನ ನಾಲ್ಕು ಸಾಲು ಮನದಲ್ಲೇ ಉಳಿದಿವೆ..

ವಿವರಣೆ ನೀಡುವ., ನಿಜವ ಕಣ್ಣ ಮುಂದೆ ಕಟ್ಟಿಕೊಡುವ., ಆಧಾರ ಹುಡುಕಿ ತೋರುವ., ಮಾಡದ ತಪ್ಪಿಗೆ ಕಾಲಿಗೆರಗಿ ಕ್ಷಮೆ ಕೇಳುವ., ಕಣ್ಣೀರಿಟ್ಟು ಗೊಗೆರೆಯುವ ಯಾವ ಪ್ರಯತ್ನವೆಲ್ಲವು ಈಗ ಅರ್ಥ ಹೀನ., ಬೇರಿರದ ಬಳ್ಳಿಗೆ ಬಿರುಗಾಳಿ ಬಡಿದಾಗ ಉರುಳುವ ಜಾಗದ ಚಿಂತೆಯೇ ? ಓಂ ಅನ್ನೋ ಒಂದೂವರೆ ಪದದ ಪ್ರೀತಿಯ ಮುಂದೆ., ಸತ್ಯ ಅನ್ನೋ ಎರಡೂವರೆ ಪದದ ಸುಳ್ಳು ನಿನಗೆ ಬೇಕಾಗಿದೆ.. ಅನುಮಾನಕ್ಕೆ ಪಾರಿತೋಷಕವಾಗಿ ಸಿಕ್ಕ ಸಾವಿನ ಖುಷಿ ಆ ಬಳ್ಳಿಯಲಿ ಚಿಗುರೊಡೆದ ಹೂವಿಗೆ..  ಬಾಯಾರಿ ಸೂರ್ಯ ಬಿಸಿಲಾಗಿ ನಿಂತಾಗ ಸಾಗರವು ಬರಿದಾಗಿದೆ..

ನಿನ್ನನೆಂದು ನಾ ಆಶಿಸಲಿಲ್ಲ., ಪ್ರೀತಿಸಿದೆ.. ಬಯಸಿಲ್ಲ., ಕನಸ ಕಂಡೆ.. ಮೋಹಿಸಲಿಲ್ಲ ರಚ್ಚು., ಪೂಜಿಸಿದೆ.. ಸ್ನೇಹಕ್ಕು ಮಿಕ್ಕಿದ., ಕಾಮಕ್ಕೂ ನಿಲುಕದ., ಇಚ್ಚೆಗು ಮೀರಿದ ಜೀವದ ತುಡಿತ ನಿನ್ನೆಡೆಗೆ ನನಗಿದದ್ದು.. ಎಲ್ಲವನು ಸುಳ್ಳೆಂದು ನಿಂತ ಜಾಗದಲ್ಲೇ ಗೋರಿ ಕಟ್ಟಿ ಬಿಟ್ಟೆಯ ಕ್ಷಣ ಮಾತ್ರದಲ್ಲೆ ?

ಸಾವಿರ ನೋವಿನ ಮಾತು ಬೇಕಿಲ್ಲ ಈ ಕ್ಷಣ.. ನಿನ್ನದೊಂದು ಸ್ಪರ್ಶದ ನೆನಪು ಸಾಕು ಎಲ್ಲವ ಮರೆಸಿ ತೂಗಿ ನಿನ್ನೋಲವಿನ ಮಾಡಿಲ್ಲಲಿ ಮಲಗಿಸೋಕೆ.. ದೋಣಿಲಿ ಹುಟ್ಟೊಂದು ಕೈ ತಪ್ಪಲು., ನಡು ನೀರೇ ದಡ ನೀಡಿ ನೆರವಾದಂತೆ.. ಹಾಡೊಂದು ಹೊರಟಾಗ ಕಾಡುಗತ್ತಲಲ್ಲಿ., ಧನಿಯೊಂದು ಜೊತೆಗೂಡಿ ಬೆಳಕಾದಂತೆ..

ಈ ಜನುಮವೆಲ್ಲ ಬರಿ ನಿನ್ನ ಸ್ಪರ್ಶದ ಬಗೆಗೆ ವಿವರಿಸುತ ಕಳೆವೆ., ಇನ್ನೊಂದು ಸಾವಿರ ಜನುಮ ಉಳಿಯಲಿ ನೋವಿನ ಸಾಗರದಲ್ಲಿ ಮುಳುಗಲು., ನಿನ್ನ ಸ್ಪರ್ಶದ ಕಥೆಯ ತಂಪಿಗೆ ಈ ಮರಳ ದಡವು ತಂಪಾಗಬಹುದೇನೋ.. ಮಿಂಚೋಂದು ಕಿಡಿ ಕಾರಿ ಆಕಾಶ ಚಲುವಾದ ಹಾಗೆ..

ಹಸಿಗೂಸಿಗೆ ತಿಳಿ ಬೆಚ್ಚನೆಯ ನೀರಲ್ಲಿ ಸ್ನಾನವ ಮಾಡಿಸಿ., ಮೃದು ಬಟ್ಟೆಯಲಿ ಸುತ್ತಿ., ಹಾಗೆ ಒಮ್ಮೆ ಘಮ್ ಎನ್ನುವ ಸಾಂಬ್ರಾಣಿ ಹೊಗೆಗೆ ಅದರ ಮೈ ಆಡಿಸಿ ಎತ್ತಿ ತಬ್ಬಿದಾಗ ನೇರ ಎದೆ ಸೇರಿದ ಪ್ರೀತಿಯ ಘಮದಂತೆ ಕಣೆ ನಿನ್ನ ಸಾಂಗತ್ಯ.. ಹಬ್ಬಿದ ಬಳ್ಳಿಯಲಿ ಸಂಜೆ ಮೈಗೆರೆದ ಕಾಡು ಮಲ್ಲಿಗೆಯ ಮೊಗ್ಗು ನೀನು.. ನಸುಕಿನ ಮಂಜಿನಲ್ಲಿ ತುಳಸಿ ಎಲೆಯ ತುದಿಯಲಿ ಉಳಿದ ತಣ್ಣನೆ ಹಿಬ್ಬನಿ ನೀನು.. ನಿನ್ನ ಮೃದು ಕಿವಿಯ ಕೊನೆಯ ಮುಟ್ಟಿದ ಕ್ಷಣವೆ ಅಲ್ಲೆಲ್ಲೋ ಜಲಪಾತ ಸದ್ದಿಲದೇ ಭೋರ್ಗೆರೆದಿತ್ತು.. ನಿನ್ನ ಹಣೆಯ ಮೇಲಿಂದ ಮುಂಗುರುಳ ನೀವಿ ಹಿಂದಕ್ಕೆ ಸರಿಸಿದ ನಿಮಿಷವೇ., ಅಲ್ಲೆಲ್ಲೋ ಹಸಿರು ಪೈರೊಂದು ತೆನೆಯಾಗಿ ಅರಳಿ ನಿಂತಿತ್ತು..

 ಜೀವದ ಉಸಿರೆಲ್ಲ ನಿನ್ನೆದೆಯಲ್ಲಿ ಬಚ್ಚಿಟ್ಟು ನಿರುಮ್ಮಳವಾಗಿ ನಿನ್ನ ನಗುಮೊಗವ ನೋಡುತ ಕಳೆದು ಹೋಗಿದ್ದ ನನ್ನ ಎಬ್ಬಿಸಿ., ನೀ ಜಗವನ್ನೇ ಬಿಟ್ಟು ಹೋದರೆ ಚೆಂದ ಅಂದೆಯ ? ಬೆಚ್ಚಿ ಬೀಳದಿರು ನನ್ನೊಲವ ಕನಸಿಂದ., ಬೆಂಕಿಯ ಕಡ್ಡಿ ಗೀರಿ ಮನೆತುಂಬಾ ಬೆಳಕಾದ ಹಾಗೆ., ಸುಟ್ಟು ಬಿಡು ನನ್ನೆಲ್ಲಾ ನೆನಪನ್ನು., ಸಿಗಲಿ ನಿನಗೆ ಬೇಕಾದ ನಿಜವೆನ್ನುವ ಬೆಳಕು., ನನ್ನ ಜೀವದ ಉಸಿರಿನ ಮಾತದು.. ಕೇಳದೆ ಇರುವೆನೇ ನಾನು ? ನಿನಗಾಗಿ ಮುಡಿಪು ಈ ಜೀವದ ಮಿಡಿತ..  

ಕತ್ತಲ ಕೋಣೆಯ ಬೆಳಕಿನ ಕಿಟಕಿಯೆಡೆಗೆ ಮುಖ ಮಾಡಿ ಬರೆಯಲು ಕೂತಿರುವೆ..

ಕತ್ತಲ ಕೋಣೆಯ ಬೆಳಕಿನ ಕಿಟಕಿಯೆಡೆಗೆ ಮುಖ ಮಾಡಿ ಬರೆಯಲು ಕೂತಿರುವೆ., ಬರೆಯಲಾದರೂ ಏನನ್ನು ? ನಿಜ ಹೇಳಿದರು ಕಿವಿ ಹಿಂಡಿದ ಅಪ್ಪನ ಬಗ್ಗೆಯಾ ? ಮಾಡದ ತಪ್ಪಿಗೆ ದೂಷಿಸಿ ಮಾತು ಬಿಟ್ಟ ಅಮ್ಮನ ಕುರಿತ ? ನಿಂತು ನೀರಡಿಸದೆ ಸರಿದು ಹೋದ ಮೋಡದ ಬಗ್ಗೆಯಾ ? ಕೂಗಿ ಕರೆದರು ಕೇಳದೆ ಹೋದ ಅಂತರಾಳದ ಬಗ್ಗೆಯಾ ? ನನ್ನುಸಿರಿನಲ್ಲಿದ್ದು ಮಿಡಿತವ ಅರಿಯದೆ ಹೋದ ನಿನ್ನ ಬಗ್ಗೆಯಾ ??

ಇದು ಯಾರ ಮೇಲಿನ ಕೋಪವಲ್ಲ., ಅಸಮಾಧಾನವೂ ಅಲ್ಲ., ಇದು ನಾ ಯಾರಿಗೂ ಅರ್ಥವಾಗದೆ ಹೊದೆನಲ್ಲ ಅನ್ನೋ ಬೇಸರ., ಕೊನೆಗೆ ನಿನಗೂ ಸಹ ನಾ ಅರ್ಥವಾಗಲಿಲ್ಲವಲ್ಲ., ಅದಕ್ಕೆ ನನ್ನ ಮೇಲೆ ನನಗೆ ತೀರದ ಬೇಸರ..

ಈ ದಿನ., ಈ ಕ್ಷಣವೇ ತೂಗಿ ಲೆಕ್ಕ ಹಾಕಿಬಿಡಬೇಕು., ತುಂಬು ಪ್ರೀತಿಯಿಂದ ತಂದ ಕೈ ತುತ್ತು ತೂಕವೋ., ಅಷ್ಟೇ ಕೋಪದಿಂದ ಆ ತುತ್ತನ್ನು ನೆಲಕ್ಕೆ ಒಗೆದ ಕೋಪ ಭಾರವೋ ? ಪ್ರೀತಿಯ ಬೆನ್ನಿಗಿರುವ ಒಲವು., ಕೋಪದ ಹಿಂದಿನ ನೋವು., ಈ ಲೆಕ್ಕಕ್ಕೆ ತೂಕದ ಕಲ್ಲಾಗಿವೆ..

ಕಾರಣವ ಬೆನ್ನತ್ತಿ ಹೊರಡುವ ಮುನ್ನ., ಒಂದೇ ಒಂದು ಸರಿ ನನ್ನ ಕಣ್ಣನ್ನು ಕೇಳಿದ್ದರೆ ನೀ ? ಇಷ್ಟು ದೂರ ನನ್ನಿಂದ ಹೀಗೆ ಸುಖ-ಸುಮ್ಮನೆ ನಡೆದು ಹೋಗುವ ನಿರ್ಧಾರ ಮಾಡುತ್ತಿರಲಿಲ್ಲ., ನೀ ಬಯಸಿದ್ದು ಆಧಾರವನ್ನು ಅಲ್ವಾ ? ಅಂಕಿಗಳಂತೆ ನನ್ನ ಎಣಿಸಿ ಲೆಕ್ಕ ಹಾಕಿ ನೀ ಇಷ್ಟೇ ಅಂತ ಹೇಳಿಬಿಟ್ಟೆ..

ಇದಕ್ಕೆ ಕಾರಣ ಹುಡುಕುವ., ಅಥವಾ ನಿನ್ನ ಲೆಕ್ಕಾಚಾರ ಸರಿಯಲ್ಲ ಎಂದು ಸಾಧಿಸಿ ತೋರುವ ಯಾವ ಪ್ರಯೋಗವು ನಾ ಖಂಡಿತ ಮಾಡಲಾರೆ., ನಿನ್ನೆಡೆಗಿನ ನನ್ನೊಲವನ್ನು ಓರೆಗೆ ಹಚ್ಚಿ ನೋಡಲು ಹೊರಟ ನಿನಗೆ ಅದು ತಿಳಿದರೆ ಚೆನ್ನ..

ನಿನ್ನ ಲೆಕ್ಕಕ್ಕೆ ನಿಜ ಅರ್ಥ ಸಿಕ್ಕ ದಿನ ನನ್ನ ಮನದ ಮನೆಯ ಮುಂದೆ ಬೆಳಕು ಹರಿದಿರುತ್ತದೆ.. ತುಂಬಾ ದಿನದಿಂದ ಹೊರ ಬರದೇ, ಆಚೆಗಿರುವ ಗೆಟನ್ನೇ ದಿಟ್ಟಿಸಿ ಕೂತಿರುವೆ., ಹಾಗೆ ಸುಮ್ಮನೆ ಉದುರಿ ಬಿದ್ದಿರುವ ಭಾವನೆಯ ಎಲೆಗಳ ಮೇಲೆ ಕಾಲೂರಿ ನೀ ಬರುವುದನ್ನೇ ಕಣ್ಣು ಮಿಟುಕಿಸುತ ಇದೇ ಕಿಟಕಿಯ ಸರಳುಗಳ ನಡುವಿಂದ ನೀ ಬರುವ ದಾರಿ ಕಾಯುತ..

ಅದೆಷ್ಟೋ ಬಾರಿ..

ಪದಗಳನೆಲ್ಲ ಗುಡ್ಡೆ ಹಾಕಿಕೊಂಡು ಕೂತಿದಿನಿ., ಹೊರಗೆ ಭಾವನೆಗಳ ಸುರಿಮಳೆ ಜೋರಾಗಿದೆ. ಅಲೆಲ್ಲೋ ದೂರದಲ್ಲಿ ಕಲ್ಲಾಗಿದ್ದ ಹಿಮ ಪರ್ವತ., ಒಲವ ಹೊಂಬಿಸಿಲಿಗೆ ಕರಗಿ ನೀರಾಗಿ., ಹೊಳೆಯಾಗಿ., ನದಿಯಾಗಿ ಕಡಲೆಡೆಗೆ ಸಾಗಿದಂತೆ., ಇಲ್ಲೊಂದು ಜೀವ ನಿನ್ನ ಸೇರಲು ಹವಣಿಸಿದೆ..

ನೀ ಸರಿವ ಸದ್ದಿಗೆ ನನ್ನ ನಾ ತಡೆಯಲಾಗದೆ ಹಿಂಬಾಲಿಸುತ್ತಿರುವೆ., ನಾ ನಿನ್ನ ಆಂತರ್ಯದೊಳಗೆ ಅಂಬೆಗಾಲಿಡುತ್ತಾ ನಿನ್ನೆದೆಯ ಹೊಸಲಿನೆಡೆಗೆ ಬರುತ್ತಿರುವಂತೆ.. ತುಂಬಾ ಮೌನಗಳ ನಂತರ ಮಾತು ಹಿತವೆನಿಸಬಹುದು., ಮುಂಜಾವು ಮನೆ ಹೆಂಚಿಂದ ತೊಟ್ಟಿಕುತ್ತಿರುವ ಮಳೆ ಹನಿ ಪಿಸುಗುಟ್ಟುವ ಹಾಗೆ.. ಇಷ್ಟು ದಿನಗಳ ಮೌನ ಕಹಿ ಎನಿಸಿದ್ದರೆ ಕ್ಷಮಿಸು..

ಹಾಳೆ ಹರಿದು., ದೋಣಿ ಕಟ್ಟಿ ಬಿಡುವ ಆಟ ಕಲಿಸಿದ ನಿನ್ನ ಅಂಗೈ ಸ್ಪರ್ಶ ಇನ್ನೂ ತಂಪಾಗಿ ನನ್ನ ಬೆರಳಂಚಿನಲ್ಲೇ ಉಳಿದು ಹೋಗಿದೆ.. ನಿನ್ನ ಪಾದದ ನೀರಚ್ಚು., ಮೆಟ್ಟಿಲ ಮೇಲೆ ಆರದೆ ಅಚ್ಚಾಗಿದೆ.. ಇದ್ದು ಬಿಡು ನನ್ನೊಂದಿಗೆ ಹೀಗೆ ಮಳೆಯಲಿ ಆಡುತ್ತಾ..  

ಅದೆಷ್ಟೋ ಬಾರಿ., ಅದೇನೋ ಹೇಳಲು ಬಂದವನು ಮಾತನ್ನುಳಿಸಿಕೊಂಡು ಹಿಂತಿರುಗಿ ಬಂದಿರುವೆ.. ಸೋತ ಹೃದಯ ಕಂಡ ಕನಸು ನಿಜವಾಗಲೆಂದು ಬಯಸಿ ನಗೆ ಬೀರಿದೆ.. ಇರುಳು ಜಾರಿ., ಕನಸು ಕರಗಿ ಮುಂಜಾನೆ ಕಣ್ಣುಜ್ಜಿ ಎದ್ದ ಕೂಡಲೇ ನಿನ್ನ ಮುಂಗುರುಳ ನಡುವೆ ನಗುವ ನಿನ್ನ ಕಣ್ಣ ಮುದ್ದಿಸುವ ಕನಸದು.. ನಿನ್ನ ಜಿಗರೆಯಂತ ವೇಗದ ನಡುವೆ ಹೆಡ್ಡನಾಗಿ ನಿನ್ನೆ ನೋಡುತ್ತಾ ಕೂತ ಕನಸದು.. ಸುಮವ ತುಂಬಿ ಮನೆ ತುಂಬಾ ನಿ ಅರಳಿರಳು., ಮೈ ಮರೆವಂತೆ ನಿನ್ನ ತಬ್ಬಿದ ಕನಸದು..

ನೀಲಿ ಆಗಸಕ್ಕೆ ಪುಟ್ಟ ಹಕ್ಕಿಯೊಂದು ಪ್ರೀತಿಸಿ ಮಲ್ಲಿಗೆ ಮೂಡಿಸಿದ ಹಾಗೆ., ಪದಗಳಲಿ ಕನಸ ಜೋಡಿಸಿ ಮುಂದಿಟ್ಟಿರುವೆ., ಈ ಎಲ್ಲಾ ಕನಸು ನೀ ನಿನ್ನದಾಗಿಸಿಕೊಳ್ಳಬೇಕು ಎಂಬ ನೀರಿಕ್ಷೆಗಳಿಲ್ಲಾ., ಹೊರಗೆ ಹೆಂಚಿಂದ ಮಳೆ ಹನಿ ಹಾಗೆ ತೊಟ್ಟಿಕ್ಕುತ್ತಿರಲಿ., ಆ ಸದ್ದಿನ ನಡುವೆ ನಿನ್ನೊಂದಿಗಿನ ಮುಂಜಾವಿನ ಈ ಸವಿಗನಸು ಹೀಗೆ ಸಾಗುತಿರಲಿ., ಇದಕ್ಕಿಂತ ಹೆಚ್ಚು ಇನ್ನೇನು ಬಯಸಲಿ ? ಕನಸಲ್ಲಾದರೂ ಸರಿ., ಕಣ್ಣುಜ್ಜಿ ಏಳುವ ವೇಳೆಗೆ ಇರುವೆಯ ನೀ ನನ್ನೆದುರು..?

ಇದೊಂದು ನನ್ನ ಪೋಲಿ ಕನಸು..

ಇದೊಂದು ನನ್ನ ಪೋಲಿ ಕನಸು.. ಇದು ನಿಜವಾಗುತ್ತೆ ಅನ್ನೋ ನಂಬಿಕೆ ಇಲ್ಲ., ಆದರೂ ಅದು ನನಗೆ ತುಂಬಾ ಇಷ್ಟವಾದ ಕನಸು.. ಮನ ಪುನಃ ಪುನಃ ಬಯಸೊ ಕನಸು.. ವಯಸ್ಸು ಯವ್ವನದ ಹೊಸ್ತಿಲಿಗೆ ಬಂದು ಕದ ತಟ್ಟಿ ನಿಲ್ಲುವ ವೇಳೆಗೆ ಮನಸ್ಸು ಕನಸ ಕಟ್ಟುವ ಕುಸುರಿ ಕಲೆಯನ್ನು ಕಲಿತಿತ್ತು., ಅದು ತನಗಿಷ್ಟವಾದ., ತನಗೆ ಖುಷಿ ಕೊಡುವ., ತಾನು ಬಯಸಿದ ಹಾಗೆ ಎಲ್ಲವೂ ನಡೆಯುವ ಜಗತ್ತು ಆ ಕನಸಿನ ಲೋಕ ! ಅದು ಹಾಗೆ ಮುಂದುವರೆದು., ಮನಸ್ಸು ವಯಸ್ಸಿನೊಂದಿಗೆ mature ಆಗುತ್ತಾ ಕಾಣುವ ಪ್ರತಿ ಕನಸು ನನಸಾಗಬೇಕೆಂಬ ಹಂಬಲ ಶುರುವಾಯ್ತು.. but ಒಂದು ಕನಸು ಮಾತ್ರ ಕೊಂಚ ಭಿನ್ನ ! ಅದು ಅವಳ ಕನಸು..

ಸಾಲು ಮರಗಳ ನಡುವಿನ ಖಾಲಿ ರಸ್ತೆಯ ಉದುರಿದ ಎಲೆಗಳ ಮೇಲೆ ಜೊತೆ ಜೊತೆ-ಜೊತೆಯಲಿ ಭುಜವ ತಾಕಿಸುತ್ತ ನನ್ನೊಡನೆ ನಡೆವವಳು.. ಯಾರವಳು ? ಎಲ್ಲಿಯವಳು ? ನಾ ಬಲ್ಲೆನೇ ? ಪರಿಚಯವಾ ? ನಿಜಕ್ಕೂ ಗೊತ್ತಿಲ್ಲ ! ಅವಳೊಂದು ಮುದ್ದಾದ ಕಲ್ಪನೆ.. ಹರೆಯದ ಕನಸು ಬಯಸತೊಡಗಿದೆ ನನ್ನೊಲವ ಹುಡುಗಿಯನ್ನ.. ಹೆಚ್ಚೆಚ್ಚು ಕಲಿತಂತೆ., ಬೆರೆತಂತೆ., ಬೆರೆಯುತ ಬೆಳೆದಂತೆ., ಆ ನನ್ನ ಕಲ್ಪನೆಯ ಹೆಣ್ಣಿನ ಬಗ್ಗೆ ನಿರೀಕ್ಷೆಗಳು ಮಾಗತೊಡಗಿವೆ.. ವರ್ಣಿಸಲು ಕೊಂಚ ಕಷ್ಟ., ಆದರೂ ಆ ನನ್ನ ಕಲ್ಪನೆಯ ಚಿತ್ರದ ಬಗ್ಗೆ ಹೇಳಲೆ ಬೇಕು..

ಅವಳ ಚೆಲುವು ಕಣ್ಣ ತುಂಬಿಸಿಬಿಡುವಂತದ್ದು., ಅವಳ ಸೌಂದರ್ಯ ದಟ್ಟ ಮಳೆ ಕಾಡಿನ ಹಾಗೆ ನಿರಂತರ.. ಸದಾ ಗಾಳಿಯೊಡನೆ ಸರಸವಾಡುವ ಮುಂಗುರುಳು., ತಾರೆಯಂತೆ ಹೊಳೆಯುವ ಶುಭ್ರ ಕಣ್ಣುಗಳು., ಮೃದು ಹಾಲ್ಗೆನ್ನೆ., ಮಳೆ ಹನಿಯೊಂದಿಗೆ ಬಾಗಿ ನಿಂತ ಚಿಗುರೆಲೆಯೆಂತಹ ಮೂಗು.. ಚೆಂದುಟಿಯ., ಚುಂಬಕ ಮುಗುಳ್ ನಗೆ.. ವೀಣೆ ಮಿಡಿದಂತೆ ಅವಳ ಧನಿ., ಎದೆಯ ಬಡಿತ ಹೆಚ್ಚಿಸುವ ಸ್ಪರ್ಶ., ಮಲೆನಾಡ ಭತ್ತದ ಗದ್ದೆಗೆ ಹೊಯ್ಯುವ ಮಳೆಯಂತಹ ಜೀವ ಉಳಿಸುವ ಅಪ್ಪುಗೆ ಅವಳದು.. ಸಮೃದ್ಧ ಭೂಮಿ ತಾಯಿಯಂತೆ ಶಾರೀರ.. ಬೆಂಕಿಯಷ್ಟು ಪರಿಶುದ್ದ ಅವಳು !

ಅವಳ ಆಂತರ್ಯಾ ಇನ್ನೂ ಚೆನ್ನವಿರಲೆಂಬ ಬಯಕೆ.. ನಿಷ್ಕಲ್ಮಶ ಮನಸ್ಸು., ಮುಗ್ದ ಮುನಿಸು.. ಸದಾ ನಗುವ ಅಂತರಾಳ.. ಹಿಂಸೆಯೇ ಅರಿಯದ ಹೃದಯ., ಕಣ್ಣಲ್ಲೇ ಮನದ ಮಾತನು ಅರಿತುಬಿಡುವ ಜಾಣೆ., ನನ್ನ ಜೀವನ ಲೆಕ್ಕಾಚಾರವ ಸರಿ ಪಡಿಸುವ ನಿಪುಣೆ.. ಸುಸಂಸ್ಕೃತ ಕುಟುಂಬದ ಕುಡಿ ಅವಳು., ಪ್ರತಿ ನಡೆ-ನುಡಿಯು ಭಾವಪೂರ್ಣ., ಪ್ರೀತಿ ಸಾಗರದ ಮುತ್ತು ಆ ಜೀವ..

ನನ್ನೆಲ್ಲಾ ತುಂಟಾಟಗಳ ಜೊತೆ ಬೆರುತು ಆಡುವ ಗೆಳತಿಯಾಗಿರಬೇಕು., ಈ ತಿಂಡಿ ಪೋತನ ಜೊತೆ ಹಂಚಿ ತಿಂದು ಸಂಭ್ರಮಿಸುವ ಸ್ನೇಹಿತಯಾಗಬೇಕು.. ನಾ ಕೊಳಕ., ನನ್ನ ಕಿವಿ ಹಿಂಡಿ, ಕೆಲಸವ ಹಂಚಿ ಮಾಡಿಸಬೇಕು.. ಒಲವ ಸುಧೆಯೊಡನೆ ನನ್ನ ಮೈ-ಮನದಲ್ಲಿ ಹರಿಯುತ ಸಮಯವ ಮರೆಸುವ ಸಂಗಾತಿಯಾಗಬೇಕು..

ಆಸೆಗಳು ನೂರಾರು., ಕನಸುಗಳು ಸಾವಿರಾರು., ಕೊನೆಯಿಲ್ಲದ ನೀರಿಕ್ಷೆಗಳು., ಹೀಗೆಲ್ಲಾ ಬಯಸೋದು ತಪ್ಪೋ-ಸರಿಯೋ ನಿಜಕ್ಕೂ ತಿಳಿಯದು., ಹುಚ್ಚು ಮನದ ತುಂಟಾಟಕ್ಕೆ ಬರೆದ ಚಿತ್ರ ಅವಳು., ಯಾವತ್ತಿಗಾದರೂ ಸಿಗುವಳೋ., ಸಿಗದೇ ಹೋಗುವಳೋ., ಸಿಕ್ಕು ಕೈ ಜಾರಿದರೆ ? ಯಾವುದಕ್ಕೂ ನನ್ನಲ್ಲಿ ಉತ್ತರವಿಲ್ಲ.. ಬದುಕಿನ ಚೈತನ್ಯವಾಗಿ ಉಳಿದು ಹೋಗಲಿ ಈ ಕನಸು..

ಎದೆಯ ಬಾಗಿಲು ಮುಚ್ಚಿ , ಎಲ್ಲ ನೆನಪುಗಳನ್ನು ಚಿಲಕ ಹಾಕಿ ಮುಚ್ಚಿಟ್ಟು, ಕೇಳಿಯೂ ಕೇಳದ ಹಾಗೆ, ಪ್ರೀತಿಸಿಯೂ ಇಲ್ಲದಹಾಗೆ, ಹಾಗೆ ಸುಮ್ಮನೆ ಬದುಕುವುದಾದರೂ ಏತಕ್ಕೆ?

ನೀ ಅಂದರೆ ನನಗಿಷ್ಟ., ಜೀವ ಸವೆದು ಹೋಗುವವರೆಗೂ ನಿನ್ನ ಜೊತೆ ಜೊತೆಗೆ ಹಾಗೆ ನಡೆದು ಬಿಡುವ ಬಯಕೆ., ಪ್ರತಿ ಕತ್ತಲ 

ರಾತ್ರಿಯೂ ನಿನ್ನ ಮಡಿಲಲ್ಲೆ ನಿದ್ದೆಗೆ ಜಾರುವ ಹಂಬಲ.., ಪ್ರತಿ ಮುಂಜಾವು ನಿನ್ನ ಕಣ್ಣ ನೋಡುತ್ತಲೇ ಆರಂಭಿಸುವ ಕೌತುಕ.. ಪ್ರತಿ ಮುಸ್ಸಂಜೆ ಕಡಲ ತೀರದ ಮರಳಲ್ಲಿ ನಿನ್ನ ಮೂಗಿಗೆ ಮೂಗು ತಾಕಿಸಿ ನಿನ್ನೆ ದಿಟ್ಟಿಸುತ್ತಾ ನಿಲ್ಲುವಾಸೆ.. ನನೆಲ್ಲಾ ಒಲವ ನಿನ್ನೆದೆಯ ಗುಬ್ಬಿ ಗೂಡಲ್ಲಿ ಕೂಡಿಡುವ ಬಯಕೆ.. ಹೇಗೆ ಹೇಳಲಿ ಇದನ್ನೆಲ್ಲಾ ನಿನ್ನೆದುರು., ನೀ ಕೂಡ ಹೀಗೆ ಅಪೇಕ್ಷಿಸುತ್ತಿರಬಹುದೆಂದು ಹೇಗೆ ತಾನೇ ಊಹಿಸಲಿ ?? ಹೇಳುವುದಕ್ಕೆ ಭಯವಲ್ಲ., ಇದಕ್ಕೆ ಬರುವ ಪ್ರತ್ಯುತ್ತರದ ಭಯ ನನ್ನ ಮನಸಿಗೆ.. ನಿನ್ನೀ ಒಡನಾಟದ ಖುಷಿ ಸಾಕು ಇಂದು ನನ್ನ ಉಸಿರಾಟಕ್ಕೆ., ಇದಕ್ಕಿಂತ ಹೆಚ್ಚೆನು ಬಯಸಲಾರೆ., ಹೇಳಲಾರೆ ಏನನ್ನು., ನಿನ್ನೆಡಿಗಿನ ನನ್ನೊಲವ ಮಿಡಿತವ ಹೊರ ಎಳೆದು ತೋರಲಾರೆ.. ಮನದ ಭಾವನೆಗಳ ಸಂತೆಯಲಿ., ನಿನ್ನ ಪುಟ್ಟು ಕೈಗಳ ಸಾಂಗತ್ಯವ ನಾ ಕಳೆದುಕೊಳ್ಳಲಾರೆ..

ಹಾಗೆ ಸುಮ್ಮನೆ ಬದುಕಿ ಬಿಡಬೇಕು..

ಹಚ್ಚಿಕೊಳ್ಳೋದು ಹುಚ್ಚಿಡಿಸತ್ತದೆ. ಹುಚ್ಚು ಎದೆಯೊಡಲಲ್ಲಿ ಕಿಚ್ಚೆಬ್ಬಿಸಿ, ಕಾಡ್ಗಿಚ್ಚಾಗಿ ಹಬ್ಬಿ, ಸುಟ್ಟು ಕಪ್ಪು ಬೂದಿಯನ್ನಾಗಿ ಮಾಡಿದಾಗಲೆ ಗೊತ್ತಾಗೋದು, ಅದು ಹುಚ್ಚಾಟಕ್ಕೆ ಹಚ್ಚಿಸಿಕೊಂಡ ಪ್ರೀತಿ ಕಿಚ್ಚೆಂದು..

ಹಾಗೆ ಸುಮ್ಮನೆ ಬದುಕಿ ಬಿಡಬೇಕು, ಯಾರ ಕಣ್ಣ  ರೆಪ್ಪೆಯ ಅಂಚಿನ ಮಿಂಚಿಗಾಗಿ ಕಾಯದೆ. ಮಿಡಿತಗಳೆಲ್ಲ ಸುಳ್ಳಾಗಿ ಕಾಡಿ ಕೊಲ್ಲುವ ಮುನ್ನ., ಸುತ್ತ ಗಟ್ಟಿ ಕೋಟೆಯೊಂದನ್ನ ಕಟ್ಟುತ್ತಾ ಅದರಲ್ಲೇ ಮಣ್ಣಾಗಿ ಬಿಡಬೇಕು. ಮನದಾಸೆ ಆಸರೆಯ ಅರುಸುವ ಮುನ್ನ., ಪ್ರೀತಿಯ ಬೆನ್ನು ನೋಡುವ ಕ್ಷಣದ ಮುನ್ನ., ಉಸಿರುಗಟ್ಟಿ ನೆಲಕ್ಕುರುಳುವ ಮುನ್ನ., ದೂರ ಸಮುದ್ರದ ಮರಳ ತೀರದಲ್ಲಿ ಒಬ್ಬೊಂಟಿಯಾಗಿ ಸೂರ್ಯನನ್ನ ಮುಳುಗಿಸಬೇಕು.

ಯಾರದೊ ಮೇಲೆ ಕೋಪ., ಹಿಡಿತಕ್ಕೆ ಸಿಗದೆ ಜಾರಿ ಹೋಗುವ ಕಣ್ಣ ಹನಿಗಳು., ತಪ್ಪು ಸರಿ ಹುಡುಕಾಟಗಳು., ಗತಿಸದಕ್ಕೆ ನಿರಾಸೆಗಳು, ಕೈ ಜಾರಿದಕ್ಕೆ ಪಶ್ಚಾತಾಪ., ಕಳೆದುಕೊಳ್ಳುವ ಆತಂಕಗಳು., ಅರ್ಧ-ಅರ್ಧಕ್ಕೆ ಸೀಳಿ ಹಾಕುವ ಆಲೋಚನೆಗಳು., ಬೇಡ ! ಹಚ್ಚಿಕೊಳ್ಳೋದು ಬೇಡ., ಇದ್ದು ಬಿಡಬೇಕು ಕಡಲ ತೀರದ ಒಂಟಿ ಬಂಡೆಯಂತೆ..

ಮನದ ಗರ್ಭವ ಬಗೆದು., ಪ್ರೀತಿಯ ಬಿತ್ತಿ., ಸಂಬಂಧ ಸಿಟಿಲೊಡೆದು ನಗೆಯಾಗುವ ಮುನ್ನ., ಗರ್ಭಪಾತಕ್ಕೆ ಅಣಿಯಾಗುವ ಪಾಪದ ಬದಲಾಗಿ., ಮನವ ಬರುಡಾಗಿಸಿಕೊಳ್ಳಬೇಕು. ಜೀವಿಸಿ ಬಿಡಬೇಕು ನೋವ ಮರೆತ ಅನಾಥರಂತೆ..

ಬಯಸಿದ ಕೈ ಕಿರುಬೆರಳು., ಮತ್ಯಾರದೋ ಅಂಗಯ್ಯಲ್ಲಿ ನಲಿಯುವದ ನೋಡುವ ಮುನ್ನ, ಎದೆ ಬಾಗಿಲ ಮುಚ್ಚಿ ಕುರುಡಾಗಬೇಕು.. ಕೇಳಿ ಇಲ್ಲವೆನ್ನಿಸುಕೊಳ್ಳುವದಕ್ಕಿಂತ., ಕೇಳದೆ ಉಳಿದು ಬಿಡಬೇಕು.. ಬೇಡಿದ ವರ, ಭಿಕ್ಷೆ ಅನಿಸಿಕೊಳ್ಳದಂತೆ..

ಅದೇ ಹಾದಿ., ಸುಮ್ಮನೆ ಸಾಗಿ ಸವೆಸಿಬಿಡಬೇಕು., ಜೊತೆ ಸಿಕ್ಕ ನೆನಪುಗಳೆನೆಲ್ಲಾ ಒಂದೊಂದೇ ಪುಟ್ಟ ಪುಟ್ಟ ಪೆಟ್ಟಿಗೆಯೊಳಗೆ ಚಿಲಕವ ಹಾಕಿ ಅದೆಲ್ಲೊ ಮನದಾಳದಲ್ಲಿ ಮುಚ್ಚಿಟ್ಟು ಬಿಡಬೇಕು.. ಒಳಗಿನ ನೆನಪು ಬಿಕ್ಕಳಿಸಿದಾಗಲೆಲ್ಲ ನೀರುಣಿಸಿ ಹಾಗೆ ಕಣ್ಣು ಮಿಟುಕಿಸಿ ಮತ್ತೆ ಬಚ್ಚಿಡಬೇಕು.. ಉಸಿರಾಡಿಯು., ಜೀವಿಸದೆ., ಕಣ್ ಮುಚ್ಚಿಯೂ., ಮರೆಯದೆ., ಕೊನೆಗೆ ನಿನ್ನ ಪ್ರೀತಿಸಿಯು., ಪ್ರೀತಿಸದೆ ಹಾಗೆ ಸುಮ್ಮನೆ ಬದುಕಿ ಬಿಡಬೇಕು.. 

ಯಾವತ್ತಿಗೂ ನನ್ನಲ್ಲೇ ಉಳಿದು ಹೋಗಲಿರುವ..

ಯಾವತ್ತಿಗೂ ನನ್ನಲ್ಲೇ ಉಳಿದು ಹೋಗಲಿರುವ., ಯಾರಿಗೂ ನೀಡಲು ಆಗದ ಹೀಗೊಂದು ಆತ್ಮೀಯ ಪತ್ರವೊಂದನು ನನಗೆ ನಾನೇ ಬರೆಯುತ್ತಾ ಕೂತಿರುವೆ.. ಇದು ನನ್ನ ನಂಬಿಕೆ., ಪ್ರತಿಯೊಬ್ಬರಿಗೂ ಒಳ ಮನಸ್ಸೆಂಬುದು ಇರಬೇಕು., ಜೀವನದ ಕೆಲವು ಗುಟ್ಟುಗಳನು ಅದರಲ್ಲಿ ಬಚ್ಚಿಟ್ಟಿರಬೇಕು.. One should have some secrets ! ಕೆಲವು ತುಂಬಾ ಮುದ ನೀಡುವಂತವು., ಹಿತವಾದ ಗುಟ್ಟುಗಳಾಗಿರಬಹುದು ಮತ್ತೆ ಕೆಲವು ವಿಷದಷ್ಟೂ ಕಹಿ ! ಆದರೂ ನಮ್ಮದೇ ಮನದ ಆಸ್ತಿಯ ಹಾಗೆ..

ದಟ್ಟ ಕಾನನದ ನಡುವೆ ಸುರಿವ ಸೋನೆ ಮಳೆಯ ಪ್ರೀತಿಸುವ ನದಿಯ ಹಾಗೆ ಸದ್ದಿಲ್ಲದೆ ನೆನಪಿನ ಪ್ರತಿ ಹನಿಯ ಕೂಡಿಡುತ್ತಾ ಸಾಗಿ ಬಿಡಬೇಕು.. ಅದು ಒಂಥರಾ ಸಂತೋಷ., ಬರೀ ನನಗಷ್ಟೇ ಗೊತ್ತಿರುವ ಸತ್ಯ., ನನ್ನೆದೆಯೊಳಗೆ ಉಳಿದು ಹೋಗಲಿರುವ ಮಧುರಾತಿ ಮಧುರ ನೆನಪುಗಳು., ಕೇವಲ ನಾನಾಷ್ಟೆ ಮೀಯಬಲ್ಲ ಒಲವ ನೋವಿನ ತೀರ..

ಇನ್ನ್ಯಾರಿಗೂ ಅರ್ಥವಾಗದ ಭಾಷೆಯದು., ಯಾರು ಅರಿಯದ ಆಳವದು., ನನ್ನತರಂಗದ ಗಂಗೆಯದು.. ಜೀವದ ಮಿಡಿತಕ್ಕೆ ಉಸಿರಾಗಿ ನಿಂತ ಹಸಿರದು.. ಭಾವದ ಬೆಂಬಲಕ್ಕೆ ನಿಲ್ಲಬೇಕು., ಅಂತರಾಳದ ಭಾವನೆಗೆ ಬೆನ್ನೆಲುಬಾಗಬೇಕು.. we should secure our self respect.,

ನನಗೆ ನಾನು ಮಾತ್ರ ಅನುಭವಿಸಬೇಕಾದ ಜೀವನದ ಭಾಗ ಆ ಗುಟ್ಟು.. ಆದ್ಯರದೋ ಪ್ರೀತಿ., ಬಯಸದೆ ಬಂದ ಒಲವಿನ ಅಲೆ., ಎದೆ ತುಂಬಿ ಬಂದ ದುಃಖ., ತುಟಿಯಂಚಿಂದ ಜಾರಿದ ಮುತ್ತು., ಕಣ್ಣಂಚಿನ್ನಲ್ಲೇ ಉಳಿದ ಹನಿ., ಮೊದಲ ಅಪ್ಪುಗೆ., ಅದು ಎಂತಹದ್ದೋ ಕೆಟ್ಟ ಕೋಪ., ಉಸಿರು ನಿಲ್ಲಿಸಿದ ಕುಡಿ ನೋಟ.. ನೆಲಕ್ಕೆ ಬೀಳುವಂತೆ ಅಪ್ಪಳಿಸಿದ ಅವಮಾನ., ಅಂಗಾಲಚಿ ಪಡೆದ ಪ್ರೀತಿ ಭಿಕ್ಷೆ., ಮನದಾಳದಿಂದ ಬಂದ ಕರುಣೆ., ಹಂಚಿ ತಿಂದ ತುತ್ತು.. ಇನ್ಯಾರಿಗೂ ಹಂಚದೆ ಉಳಿಸಿಕೊಂಡು ಬಿಡಬೇಕು.. ಹಾಗೆ ಅನುಭವಿಸುತ್ತಾ ಬದುಕಿ ಬಿಡಬೇಕು.. ಯಾರಿಗೂ ಹೇಳದೆ., ನನ್ನಲ್ಲಿ ನಾನಾಗಿ., ನನ್ನೊಡನೆ ನಾನೇ ಮಾತಾಗಿ., ಮಾತಿಗೆ ಊಗುಟ್ಟಿ ಮಲಗಿದ ಮಗುವಿನ ಹಾಗೆ..

ಮೊದಲ ಮಳೆಯಲಿ ಮೀಯಲು ಕಾದು ಕುಳಿತು....

ಇನ್ನೆಷ್ಟು ದಿನ., ಆದಿನ್ನೆಷ್ಟು ವರುಷಗಳು.. ಒಲವ ಬೇಗೆಯ ತೀರಿಸಿ., ಸುಡುತಿರುವ ಒಡಲಿಗೆ ತಂಪೇರೆದು., ಹೊಸ ಚಿಗುರಿಗೆ ಜೀವವಿತ್ತಿ., ಹಚ್ಚ ಹಸಿರಾಗಿ ಅರಳಿ ನಿಂತು ಮಂದಹಾಸ ಬೀರಲು..? ಕಾದ ಭುವಿಯ ಹಾಗಾಗಿದೆ ಮನ., ಅದೆಷ್ಟು ದಿನಗಳಾದವು ಚುಮು ಚುಮು ಮಳೆಗೆ ಮೈಒಡ್ಡಿ., ಹೇಳದೇ ಉಳಿದು ಹೋದದ್ದನ್ನೆಲ್ಲಾ ಮಳೆ ಹನಿಗಳ ಚಿಟ ಪಟ ಸದ್ದಿನ ನಡುವೆಯೇ ಉಸುರಿ ಬಿಡಬೇಕೆನಿಸಿದೆ.. ತುಂತುರು ಮಳೆಗಾಗಿ ಹಂಬಲಿಸಿದೆ ಮನ..

ಇದು ತೀರದ ನೋವ ಅಳಿಸಿ ಹಾಕುವ ಪ್ರಯತ್ನವಲ್ಲ., ನೋವಿನ ಬಾಯಾರಿಕೆಯ ತಣಿಸಿ ಅದರೊಂದಿಗೆ ರಾಜಿಯಾಗುವ ಸಂಧಾನದ ಹಾಗೆ.. ಪ್ರೀತಿಯೆಡೆಗೆ ಅಂತಹದ್ದೊಂದು ಅಭಿಮಾನವಿರಬೇಕು., ಬಯಸಿದ್ದು ತಪ್ಪಲ್ಲ., ಪ್ರೀತಿಸಿದ್ದು ತಪ್ಪಲ್ಲ., ಕಳೆದ ಪ್ರತಿ ಘಳಿಗೆ., ಆಡಿದ ಪ್ರತಿ ಮಾತು., ನೂರಾರು ಅವಮಾನ., ಕೂಡಿಟ್ಟ ಪ್ರತಿ ಕನಸು., ಸಾವಿರ ಜಗಳ., ಕಣ್ಣಂಚಿನ ಕಣ್ಣೀರು.. ಪ್ರತಿ ಹೂ ಮುತ್ತು ಎಲ್ಲವೂ ಅಂದು ಬಯಸಿದ್ದು., ಬಯಸಿ ಪಡೆದದ್ದು.. ಅಂದು ಅದು ಖುಷಿ ಕೊಡುತ್ತದೆ ಅಂತಲೇ ಮಾಡಿರುತ್ತೇವೆ.. So today we should not regret about it !

ಯಾವುದು ತಪ್ಪಲ್ಲ., ಯಾವುದು ಸರಿಯಲ್ಲ., ಈ ಕ್ಷಣ ಯಾವುದು ಖುಷಿ ಕೊಡುವುದೋ ಹಾಗೆ ಬದುಕಿ ಬಿಡಬೇಕು.. ಕೆಳೆದ ಪ್ರತಿ ಕ್ಷಣವನು ನೆನಪಿಂಗಳದಲಿ ಆಡಲು ಬಿಟ್ಟು., ಮಧುರ ವಿದಾಯವ ಹೇಳಿ ಹೊರಟು ಬಿಡಬೇಕು.. ನೋವಿನ ಮಡಿಲಿಗೆ ಮಗುವಾಗದೆ., ಕಳೆದ ಮಗುವಿನ ತಾಯಗದೆ., ತೊರೆದ ಪ್ರೀತಿಯ ಹೃದಯಕ್ಕೆ ಭಾರವಾಗದೆ., ಸಣ್ಣದೊಂದು ನಗೆ ಬೀರಿ ಕಣ್ಮರೆಯಾಗಿ ಬಿಡಬೇಕು..

ಮೌನ ಹನಿ ಗೂಡಿ ಹೆಪ್ಪಗಿದೆ.. ನೆನಪುಗಳನೆಲ್ಲ ತೋಯಿಸಿ ತಣ್ಣಗಿಡಲು., ಮೋಡವನೆ ದಿಡ್ಡಿಸುತ್ತಿರುವೆ ಮೊದಲ ಮಳೆಯಲಿ ಮೀಯಲು ಕಾದು ಕುಳಿತು..